Кумак ба маъюбони шаҳри Кӯлоб дар арафаи ҷашни Истиқлол

Кӯлоб,  07.09.2015 (АМИТ «Ховар» Сулаймон Холов).- Дар арафаи ҷашни 24-умин солгарди Истиқлолияти давлатии Ҷумҳурии Тоҷикистон ба 11 нафар маъюбони шаҳри Кӯлоб аз ҷониби ҳокимияти маҳаллӣ ва Вазорати тандурустӣ ва ҳифзи иҷтимоии аҳолӣ аробачаҳои маъюбӣ тақдим карда шуд.
Раиси шаҳри Кӯлоб аробачаҳои маъюбиро супорида, ин табақаи аҳолиро аз номи роҳбарияти олии кишвар ва ҳукумати шаҳри Кӯлоб бо ҷашни 24-умин солгарди истиқлолияти давлатии Ҷумҳурии Тоҷикистон табрик намуд.
 Ёдрас мешавем, ки шуъбаи ҳифзи иҷтимоии аҳолии мақомоти иҷроияи ҳокимияти давлатии шаҳри Кӯлоб ҳамеша аз ҳоли маъюбон огаҳӣ дошта, ба онҳо кумак мерасонад. Дар айни замон дар шаҳр маркази будубоши кӯдакони маюб ва шуъбаи ёрии иҷтимоӣ амал мекунанд, ки ба кӯдакони маюб ва пирони танҳою барҷомонда хизматрасонӣ менамоянд.