Маҳви 100 ҷангии «Толибон» дар Афғонистон

Душанбе, 12.09.2015. (АМИТ «Ховар»). — Дар доираи амалиёти густурдаи низомӣ барои поксозии минтақаҳои Афғонистон аз ифротгароёну террористон тайи 2 рӯзи охир қариб 100 ҷангии узви ҳаракати «Толибон» мавҳ карда шуд. Дар ин бора Вазорати корҳои дохилии Афғонистон иттилоъ медиҳад.
Ин амалиёт дар 34 шаҳру ноҳия ва вилоятҳои ин кишвар сурат гирифта, 76 силоҳбадаст низ маҷруҳ ва чанд тани дигар дастгир гардиданд. 
Дар натиҷаи амалиёти мазкур аз қароргоҳи силоҳбадастон ба миқдори зиёд аслиҳа, таҷҳизоти тарканда ва дигар муҳиммоти ҷангӣ дарёфту мусодира шуд. 
Ёдовар мешавем, ки аз нимаи дуюми моҳи июли соли равон амалиёти густурдаи поксозии неруҳои Афғонистон дар тамоми манотиқи ин кишвар оғоз гардида, дар натиҷаи он садҳои силоҳбадастони ифротӣ нобуд карда шуданд.