Маҳви 78 ҷангии толибон дар манотиқи гуногуни Афғонистон

Душанбе, 03.09.2015. (АМИТ «Ховар»). – Дар рафти амалиёти поксозӣ, ки аз ҷониби нерӯҳои миллии Афғонистон дар якчанд музофот гузаронида шуд, 78 ҷангии Толибон маҳв гардиданд. 

Бино ба иттилои хабаргузории «Хома пресс», амалиёти поксозӣ дар манотиқи гуногуни музофотҳои Лоғар, Қундуз, Сари Пул, Бағлон, Форёб, Урузғон, Дайкундӣ, Қандаҳор, Зобул ва Ҳилманд сурат гирифт. Дар натиҷа 78 ҷангии толибон, аз ҷумла як қумандон кушта шуданд.

Инчунин 36 ҷангӣ ҷароҳат бардошта, 2 тани дигар дастгир гардиданд. Миқдори зиёди яроқу аслиҳа ва лавозимоти ҷангӣ низ дарёб ва мусодира карда шуданд.