Мактаби нав дар Навбаҳор

Душанбе, 16.09.2015. (АМИТ «Ховар»).- Имрӯз дар маҳаллаи «Сардоб»-и ҷамоати деҳоти Навбаҳори ноҳияи Мастчоҳ бо иштироки  муовини раиси вилояти Суғд Назира Ғаффорӣ ва раиси ноҳияи Мастчоҳ Ғайрат Азиззода мактаби нави таҳсилоти  умумии № 2 ифтитоҳ ёфт. Тавре ки ба АМИТ «Ховар» иттилоъ доданд, бо дастгирии Мақомоти иҷроияи ҳокимияти давлатии вилояти Суғд ба маблағи 1,7 миллион сомонӣ 8 синфхона барои 240 хонанда ва як ҳуҷраи корӣ  ба истифода дода шуд.
Зимни вохӯрӣ бо аҳли деҳа ва хонандагони мактаби навбунёд  Назира Ғаффорӣ ҳозиринро ба муносибати кушодашавии мактаби нав табрик намуда, туҳфаҳои мақомоти иҷроияи ҳокимияти давлатии вилоят — 4  компютер, як принтер, 8 номгӯй асбоби мусиқӣ, 2 дастгоҳи атласу адрасбофӣ, 2 дастгоҳи қолинбофӣ ва 2 мошинаи дарздӯзиро супорид.