Маркази нав барои кӯдакони имконияташон маҳдуд дар Хоруғ

Хоруғ, 22.05.2015. (АМИТ «Ховар», Файз Мирҳасан).- Дар назди Донишкадаи такмили ихтисос ва бозомӯзии кормандони соҳаи маорифи вилояти Бадахшон  Маркази захиравӣ оид ба таҳсилоти босифати фарогир кушода шуд. 
Марказ барои таълиму тарбияи кӯдакони имконияташон маҳдуд пешбинӣ шуда, бо кумаки Хазинаи  Созмони Милали Мутаҳид  он бо асбобу ашёи хониш таъмин гардидааст.
     Директори донишкадаи мазкур Ғарибшо Ғарибшоев гуфт, ки бо ҳидояти Президенти кишвар сол аз сол шароит барои таълиму тарбияи кӯдакони имконияташон маҳдуд бехтар мегардад. Масъулини муассисаҳои таълимӣ низ  талош доранд, ки  ҳеҷ нафаре аз кудакони дорои имкнияти маҳдуд аз таълиму тарбия дар канор намонанд.       Ҳадафи  барномаи СММ аз он иборат аст, ки барои кӯдакони  имконияташон маҳдуд шароит фароҳам меоранд, то онҳо донишу маҳорати зеҳнии худро боло баранд.