Машварати корӣ дар ҳузури Қоҳир Расулзода
Душанбе, 28.09.2015. (АМИТ «Ховар»).-Имрӯз дар ҳузури Сарвазири мамлакат Қоҳир Расулзода вобаста ба татбиқи лоиҳаҳои сармоягузорӣ дар соҳаи хоҷагии манзилию коммуналӣ машварати корӣ доир гардид.
Тавре ки дар машварат таъкид шуд, дар асоси дастуру супоришҳои Сарвари давлат ҳукумати мамлакат вазифадор шудааст, ки вазъи татбиқи лоиҳаҳои сармоягузориро дар соҳаҳои алоҳида мавриди баррасию таҳлил қарор дода, оид ба ҷараёни иҷрои онҳо ба роҳбарияти давлату Ҳукумати Ҷумҳурии Тоҷикистон маълумот пешниҳод намояд.
Дар машварат таваҷҷуҳи асосӣ ба ҷараёни татбиқи лоиҳаи сармоягузорӣ миёни КВД «Хоҷагии манзилию коммуналӣ»-и Ҷумҳурии Тоҷикистон ва Бонки аврупоии таҷдид ва рушд нигаронида шуд.
Сарвазири мамлакат роҳбарони вазорату идораҳои марбутаро вазифадор кард, ки камбудиҳои дар татбиқи ин лоиҳа ҷойдоштаро ҳарчи зудтар бартараф намоянд ва барои сари вақт ба анҷом расонидани ин лоиҳаҳо ба онҳо супоришҳои мушаххас дода шуданд.
Хотиррасон бояд кард, ки имрӯз дар соҳаи хоҷагии манзилию коммуналӣ аз ҷониби Бонки аврупоии таҷдид ва рушд 5 лоиҳаи давлатии сармоягузорӣ ба маблағи умумии беш аз 83,7 млн. доллари амрикоӣ дар шакли қарзу грантҳо амалӣ гашта истодааст, ки дар доираи татбиқи онҳо то имрӯз ба ҳисоби миёна 37,2 фоизи маблағҳо аз худ карда шудаанд.
Сарвазири мамлакат Қоҳир Расулзода аз ҷараёни азхудкунии маблағҳои грантию қарзии сармоягузорӣ дар соҳаи хоҷагии манзилию коммуналӣ изҳори нигаронӣ намуда, барои ҷоннок намудани корҳои татбиқи лоиҳаҳои сармоягузорӣ дар ин соҳа ба масъулин дастуру супоришҳои мушаххас дод.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






