Муомилоти ғайриқонунии тилло пешгирӣ карда шуд

Душанбе, 22.09.2015, (АМИТ «Ховар»). — Дирӯз, тахминан соати 14:30-дақиқа зимни гузаронидани чорабиниҳои оперативӣ-ҷустуҷӯӣ кормандони милитсия сокини 40-солаи ноҳияи Нурободро бо гумони муомилоти ғайриқонунӣ бо металлҳои қимматбаҳо дастгир карданд. Дар вақти кофтукови шахсӣ аз гумонбаршуда халтаи селофан дарёфт карда шуд, ки дар дохили он 9-адад хокаҳои рангашон зарди гирдашакл бо вазни умумии 9,59-грамм, ки ба метали қимматбаҳои тилло мансуб мебошанд, нигоҳ дошта мешуд. Нисбат ба далели мазкур парвандаи ҷиноятӣ оғоз гардида, тафтишот идома дорад.