Мурғоб:12 хонаи навсохт ба соҳибонаш супорида шуд

Хоруғ, 17.09.2015 (АМИТ   «Ховар»,).- Муовини Сарвазири мамлакат Азим Иброҳим ва раиси вилояти Бадахшон Шодихон Ҷамшед  дар деҳаи Рангкӯли ҷамоати деҳоти Рангкӯли  ноҳияи Мурғоб  12 хонаи истиқоматии навсохтро ба соҳибонашон супориданд.
Ёдрас мешавем, ки дар натиҷаи офати табиии моҳҳои июл-августи соли равон дар ин деҳа 12 хонаи истиқоматӣ пурра хароб ва 21 хона қисман зарар диданд, ки бо дастгирии Ҳукумати Ҷумҳурии Тоҷикистон дар муддати 1,5 моҳ  пурра навсозӣ гардида, ба зарардидагон супорида шуданд.  Хонаҳои истиқоматӣ барои зарардидагони офати табиӣ дар ин ноҳия бо тамоми ҷиҳози зарурӣ  таъмин шудаанд. Ҳамчунин ҳамарӯза  аз ҷониби сокинони кишвар ва Агентии  захираҳои моддии давлатии Ҷумҳурии Тоҷикистон  барои зарардидагони офат маводи ниёзи аввал расонида мешавад.
Ҷамоати мазкур деҳаи наздисарҳадии Ҷумҳурии Тоҷикистон бо давлати Чин мебошад, ки аз се деҳа- Рангкӯл- маркази ҷамоат, Чичикдеҳ ва Субаши иборат мебошад ва наздик ба 1600 нафар аҳолӣ дорад.