Номаи шодбошии Оғохон ба Президенти Тоҷикистон
Душанбе, 08.09.2015. (АМИТ «Ховар»).
Ҷаноби Олӣ,
Ба муносибати солгарди истиқлолияти Ҷумҳурии Тоҷикистон ман ба Шумо, Ҷаноби Олӣ, Ҳукумати Шумо ва тамоми мардуми Тоҷикистон самимонатарин табрикоту шодбошиҳои худро иброз медорам.
Шумо, Ҷаноби Олӣ, аз икдоми дарозмуддати Имомати Исмоилия ва Ташкилоти Оғохон оид ба рушд дар амалӣ намудани маромҳои мардуми Тоҷикистон ва роҳбарияти он дар роҳи рушди иҷтимоӣ ва икишофи босуръати иқтисодӣ хуб огаҳӣ доред. Мо кӯшишҳои худро дар оянда низ давом хоҳем дод ва дар ҳамкорӣ бо Ҳукумати Тоҷикистон бобати некӯаҳволии тамоми мардуми тоҷик тақвият хоҳем бахшид.
Ман умедворам, ки ба зудӣ бори дигар имконияти боздид аз Тоҷикистон муҳайё мешавад ва бо Шумо, Ҷаноби Олӣ аз пешравии Донишгоҳи Осиёи Марказӣ, ки сохтмонаш аз рӯи нақша идома дорад ва татбиқи лоиҳаҳои дигари Ташкилоти Огохон оид ба рушд дар кишвар воқиф шавам.
Дар ин рӯзи фараҳбахши иди миллӣ ман барои сулҳу субот ва шукуфоии Ҷумҳурии Тоҷикистон дуоҳо мефиристам ва ба Шумо, Ҷаноби Олӣ, орзуҳои накӯи бародарона ва эҳтироми бепоёни худро иброз медорам.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
