Оғози зарбаҳои ҳавоии ҳавопаймоҳои Русия ба ДИ дар Сурия
Душанбе, 30.09.2015. (АМИТ «Ховар»). — Ҳавопаймоҳои Неруҳои ҳавоӣ-кайҳонии Русия имрӯз амалиёти ҳавоии зарбазанӣ ба қароргоҳҳои террористони гурӯҳи «Давлати исломӣ» дар қаламрави Сурияро оғоз карданд.
Тавре намояндаи расмии Вазорати мудофиаи Федератсияи Русия генерал-майор Игор Конашенков ба ВАО иттилоъ дод, мутобиқи қарори Сарфармондеҳи олии Неруҳои мусаллаҳи ФР Владимир Путин ҳавопаймоҳои Нерӯҳои ҳавоӣ-кайҳонии Русия имрӯз дар қаламрави Сурия амалиётро бо мақсади зарба задан ба қароргоҳ, махфигоҳи аслиҳаву техника ва дигар лавозимоти ҷангии террористони гурӯҳи «Давлати исломӣ» оғоз намуданд.
Конашенков ҳамчунин иттилоъ дод, ки вазири мудофиаи Русия генерал-армия Сергей Шойгу ба ҳамтоёни худ аз СААД доир ба он, ки дар раванди амалиёт ҳавопаймоҳои Нерӯҳои ҳавоӣ-кайҳонии Русия дар Сурия ба техникаи ҳарбӣ, воситаҳои алоқа, воситаҳои нақлиёт, анборҳои силоҳ ва дигар лавозимоти ҷангии мутаалиқ ба террористони ДИ зарба мезананд, маълумот дод.
Ёдовар мешавем, ки Президенти Русия Владимир Путин барои истифодаи нерӯҳои ҳарбии ин кишвар дар хориҷа ба Шӯрои федеролӣ муроҷиат кард. Шӯрои федералӣ бо қарори худ ба истифодаи НҲ ФР дар хориҷа иҷозат дод.
Роҳбари дастгоҳи Кремл Сергей Иванов ба журналистон иттилоъ дод, ки Президенти Сурия Башор Асад ба Федератсия Русия барои расонидани кумаки низомӣ муроҷиат кардааст.
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
