«Ҷоми Президент» насиби теннисбозони тоҷик шуд
Душанбе, 25.09.2015 (АМИТ «Ховар»).-Мусобиқаи теннис барои Ҷоми Президенти Тоҷикистон миёни наврасон, ки аз 19 то 23 сентябри соли равон дар майдони тенниси шаҳри Душанбе ҷараён дошт, ба анҷом расид.
Дар мусобиқа байни писарон Шодмон Қурбонов ва миёни духтарон Шаҳзода Осимова аз Тоҷикистон ғолиб омаданд.
Дар сабқати ҷуфтӣ байни писарон Беҳзод Суюнов, Шерзодбек Раҷабов аз Ӯзбекистон мақоми аввалро касб карданд. Дар сабқати ҷуфтӣ миёни духтарон Анастасия Турсунова, Насиба Назирмадова аз Тоҷикистон пирӯз шуданд.
Ғолибони мусобиқа бо ҷому медали тилло, ифтихорнома ва ҷоизаи молӣ ба маблағи 1500 доллари ИМА сарфароз гаштанд. Ба теннисбозоне, ки ҷойҳои дувуму севумро гирифтанд, мутаносибан медалҳои нуқраву биринҷӣ ва ҷоизаи молӣ ба маблағи 1000 ва 700 доллар супурда шуд.
Ёдрас мешавем, ки дар ин мусобиқа варзишгарон аз ҷумҳуриҳои Қирғизистон, Туркманистон, Тоҷикистон, Украина ва Ӯзбекистон ширкат варзида, барои дарёфти Ҷоми Президент миёни ҳам рақобат доштанд.
Ин 6-умин мусобиқаи байналмилалӣ оид ба теннис мебошад, ки теннисбозони наврас барои ба даст овардани «Ҷоми Президенти Тоҷикистон» рақобат мекунанд.
Гуфта мешавад, ки “Ҷоми Президенти Тоҷикистон оид ба теннис” аз соли 2005 таъсис ёфта, дар байни варзишгарони наврас гузаронида мешавад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
