Озмуни Кумитаи ҷавонон барои ҷавонони соҳибистеъдод
Душанбе, 17.09.2015 (АМИТ «Ховар», Фарзонаи Давлат).-Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади дастгирии ҳамаҷониба ва ҳавасманд намудани фаъолияти эҷодии соҳибистеъдодҳои ҷавон, адибону рўзноманигорон, рассомону бастакорон, режиссёрону меъморон ва санъаткорони ҷавоне, ки дар рушду инкишофи соҳаи худ дар Ҷумҳурии Тоҷикистон саҳми босазо гузоштаанд, барои дарёфти ҷоизаи кумита дар соҳаи адабиёт, рўзноманигорӣ, санъат, меъморӣ ва барномасозӣ (компютерӣ/технологиҳои иттилоотӣ) барои соли 2015 такроран озмун эълон менамояд.
Барои гирифтани ҷоиза дастовардҳо аз рўи ҷойҳо (истеъдодҳо, ихтироот ва эҷодкорӣ) баҳогузорӣ мешаванд.
Дар озмун иштирокдорон бо офарида ё ҳунари хеш, адибон (китобҳои илмӣ, бадеӣ, адабӣ, ашъор, осор), рўзноманигорон (мақолаҳо, маводи иттилоотӣ, барномаҳои телевизионӣ ва радиоӣ, гузоришҳои хабарӣ, бахусус дар самти татбиқи сиёсати давлатии ҷавонон), рассомон (расмҳои дорои хусусияти тарбиявӣ, портрет, пейзаж, нақшу нигор ва ғайра), бастакорон (оҳангҳои ҷолиб ва мусиқии дилангез, пйессаҳо, либретто, опера ва балет), барномасозон (ихтироъкорӣ дар самти технологияҳои иттилоотии компютерӣ, бахусус дар самти татбиқи сиёсати давлатии ҷавонон ва махзани кадрӣ), режиссёрон (филмҳо, намоишномаҳои саҳнавӣ — театрӣ, барномаҳои телевизионӣ ва ғайра), санъаткорон (сарояндагӣ, раққосӣ, тарроҳӣ), меъморон (лоиҳаҳои сохтмонӣ, боғу гулгаштҳои фарҳангию фароғатӣ, роҳравҳои варзишӣ, фаввораҳо, майдончаҳои варзишӣ, ки истифодаи онҳо ба шароити Тоҷикистон мувофиқ бошад), метавонанд иштирок намоянд.
Дар озмун хоҳишмандон аз тариқи инфиродӣ ва ё дар ҳайати гурўҳи эҷодӣ (то 4 нафар дар синни 14-30) ширкат варзида метавонанд.
Қабули ҳуҷҷатҳо барои иштирок дар озмун дар суроғаи шаҳри Душанбе, кўчаи Спортивная, 6 то 15 октябри соли 2015 сурат мегирад.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






