Раисҷумҳури Афғонистон: Мудирияти шаҳри Қундуз дар дасти давлат аст

Душанбе, 29.09.2015. (АМИТ «Ховар»). — Раисҷумҳури Афғонистон Муҳаммад Ашраф Ғанӣ дар як нишасти хабарӣ бо ибрози итминон гуфт, ки мудирияти шаҳри Қундуз акнун дар дасти давлат буда, таҳдиди террористон дар ин шаҳр маҳдуд аст ва мардум бояд ба неруҳои амниятии кишвар бовар дошта бошанд.
Ба иттилои расонаҳои Афғонистон, Раисҷумҳури инкишвар ҳамчунин тасдиқ кардааст, ки рӯзи гузашта чанд иншооти давлатӣ аз сӯи мухолифони мусаллаҳи давлат ишғол шуданд, аммо неруҳои амниятии Афғонистон имрӯз дар амалиёти поксозии ин шаҳр аз «Толибон» пешрафтҳое доштанд ва бархе аз иншооти давлатиро аз дасти онҳо озод намуданд.
Муҳаммад Ашраф Ғанӣ дар иннишасти хабарӣ таъкид кард, ки ҳамлаҳои ҳавоӣ низ бар мавзеъҳои мухолифони мусалаҳ оғоз шудааст ва неруҳои амниятии ин кишвар бомуваффақият вазифаҳояшонро иҷро кардаистодаанд.