Рашт: Бунёди 44 хонаи истиқоматӣ барои зарардидагони офати табиӣ

Рашт, 03.09.2015 (АМИТ «Ховар»).- Дар арафаи   24-умин солгарди  ҷашни истиқлолияти давлатӣ дар ноҳияи Рашт  44 хонаи истиқоматӣ барои зарардидагони офати табии деҳаҳои Ҳалқарф ва Бедаки ҷамоати деҳоти Навдӣ  дар рӯзҳои ҷашн ба истифода дода мешавад. 
Тибқи иттилои  мудири шуъбаи рушди иҷтимоӣ ва робита бо ҷомеаи ноҳияи Рашт Фариддун Муродов барои баргузории  ҷашни истиқлолият  омодагӣ дида истодааст. Дар назар аст ки дар арафаи ҷашн ба ниёзмандону бепарасторон ва ятимону маъюбон аз ҳисоби соҳибкорон, хайркунандаҳо кумакҳои моддӣ расонида мешавад. Ҳамчунин  рӯзи 8 сентябр  дар ноҳияи мазкур мусобиқаи гӯштини миллӣ баргузор мегардад, ки ғолибонро туҳфаҳои  хотиравӣ интизор аст.