Рашт: Сарвазир 44 хонаи истиқоматиро ба истифода дод
Душанбе, 18.09.2015 (АМИТ «Ховар», Субҳониддини Маҳмуд).- Субҳи имрӯз Сарвазири мамлакат Қоҳир Расулзода, вазири меҳнат ва шуғли аҳолии Ҷумҳурии Тоҷикистон Тағойзода Сумангул, муовини вазири рушди иқтисод ва савдо Давлатзода Умед, вазири энергетика ва захираҳои оби Ҷумҳурии Тоҷикистон Усмоналӣ Усмонзода, раиси Кумитаи ҳифзи муҳити зисти Ҷумҳурии Тоҷикистон Хайрулло Ибодзода ба маҳаллаи навбунёд барои зарардидагони офати табиӣ дар ҷамоати деҳоти Навдии ноҳияи Рашт барои ба истифода додани 44 хонаи истиқоматӣ омаданд.
Сарвазири мамлакат ба 44 зарардидаи офати табиӣ калиди хонаҳоро супорид.
Тавре ки ба ҳамагон маълум аст, дар натиҷаи боришоти зиёди борону жола дар таърихи 20 июли соли 2015 дар деҳаҳои Бедак ва Ҳалқарфи ҷамоати деҳоти Навдии ноҳияи Рашт сел омад, ки дар натиҷаи он зиёда аз 50 оила зарар диданд.
Аз ҷумла, 35 оила аз хонаҳои истиқоматӣ пурра маҳрум гардида, хонаҳои 8 оилаи дигар қисман зарар дида, истиқомат намудан дар онҳо ғайриимкон гардид. Ҳаҷми ҳисорот аз офати табиӣ ба аҳолӣ ва хоҷагии халқи ноҳияи Рашт 3 миллиону 714 ҳазору 198 сомониро ташкил дода, барои бартараф намудани оқибатҳои офати табиӣ маблағҳои зиёд ва аз нигоҳи аввал вақти зиёд лозим буд.
Мувофиқи дастури Роҳбари давлат хонаҳои истиқоматии мазкур аз ҷониби вазорату идораҳои ҷумҳуриявӣ пурра бо маводу таҷҳизоти рӯзгор, либосвор, хӯрокӣ ва сӯзишворӣ барои давраи тирамоҳу зимистон таъмин шуданд. Роҳҳои маҳалии мавзеи зарардида ва маҳаллаи навбунёд таъмиру тармим шудаанд.
Бояд гуфт, ки аз рӯзҳои аввали рух додани ин ҳодиса мардуми ноҳияи Рашт дастгирию ҳамдардии мардуми шарифи тоҷикро аз гӯшаю канори ватани азизамон эҳсос мекарданд ва аз он шукргузорӣ менамоянд, ки имрӯз дар ин сарзамин сулҳу субот ва ҳамдигарфаҳмии миллати куҳанбунёд ҳукмфармо гардидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






