Силоҳбадастони «Толибон» талафот медиҳанд

Душанбе, 17.09.15. (АМИТ «Ховар»). — Назар ба  иттилои  намояндагони  ҳукуматдорони  маҳаллӣ, тайи ду рӯзи  гузашта  бар  асари задухӯрдҳои  мусаллаҳонаи байни  шӯришгарон ва қувваҳои ҳукуматӣ дар   музофоти Ҳилманди Афғонистон  30  нафар ҷангиёни  «Толибон» нест  карда шуданд. 
Сабаби  сар  задани  ин  муҳорибаҳо  ба ситоди  пулис  ва  бархе  бунгоҳҳои  назоратии  вулусволии Каҷакӣ  ҳамла овардани толибон  буд. 
Ҳамзамон амалиётҳои  ҳарбӣ  дар  вулусволии Чинортуи  вилояти Урузгон  идома  доранд. Назар  ба  иттилои шабакаи телевизионии «Тулӯъ»,  дар  ин  ҷо  силоҳбадастон  аввалин  шуда ба  бунгоҳҳои  назоратӣ  ҳамла  оварданд. Мувофиқи  ҳисоботи  пулис, дар  амалиётҳои  ҳарбӣ  барои  нест  намудани террористон тайёраҳои  ҳарбӣ  иштирок  намуда, қувваҳои  нави ҳарбӣ  ба ин  вулусволӣ  фиристода  шудаанд.