Тамаъҷӯии ҷавони 29-сола дар ноҳияи Рӯдакӣ

Душанбе, 17.09.2015 (АМИТ «Ховар»).-Кормандони милитсия дар ноҳияи Рӯдакӣ ҷавонеро дастгир карданд, ки худро корманди мақомоти ҳифзи ҳуқуқ муаррифӣ намуда, даст ба тамаъҷӯӣ мезадааст.
Бино ба иттилои Вазорати корҳои дохилии кишвар, 16 сентябри соли равон, зимни гузаронидани чорабиниҳои фаврию ҷустуҷӯӣ сокини 29-солаи шаҳри Душанбе бо гумони тамаъҷӯӣ дастгир гардид. Муайян карда шуд, ки дастгиршуда 31-уми августи соли равон дар ноҳияи Рӯдакӣ худро ҳамчун корманди милитсия муаррифӣ намуда, аз зани 35-сола, сокини ноҳияи мазкур бо роҳи тамаъҷӯӣ ва зӯроварӣ 600 доллари амрикоӣ гирифтааст.
Аз рӯи ин ҳодиса парвандаи ҷиноятӣ оғоз гардида, тафтиш идома дорад.