Таъмини талаботи аҳолӣ бо қарз
Душанбе, 23.09.2015. (АМИТ «Ховар», Лайло Тоирӣ). -Ҷамъбасти ҳаҷми умумии бақияи қарзҳо дар ҷумҳурӣ мувофиқи маълумоти охир дар интиҳои моҳи августи соли равон раванди зиёдшавии муътадили худро идома дода, маблағи 11 164,4 млн. сомониро ташкил, ки нисбат ба ҳамин давраи соли гузашта 24,8 фоиз зиёд аст.
Баъди таҳлили таркиби бақияи қарзҳо дар ин давра маълум гашт, ки 4 914,9 млн. сомонӣ (ё 44,0 фоиз)-ро қарзҳои кӯтоҳмуддат ва 6 249,5 млн. сомонӣ (ё 56,0 фоиз)-ро қарзҳои дарозмуддат ташкил додаанд.
Дар ҳашт моҳи соли ҷорӣ фоизҳои миёнавазни қарзҳо бо пули миллӣ 23,86 фоиз ва бо асъори хориҷӣ 21,66 фоизи солонаро ташкил намуданд, ки назар ба ҳамин давраи соли гузашта мутаносибан 1,09 банди фоизӣ ва 1,57 банди фоизӣ паст мебошанд.
Ҳаҷми қарзҳои хурди додашуда дар ин давра 3 738,7 млн. сомониро ташкил дод. Зикр кардан бамаврид аст, ки аз ин маблағ 666,1 млн. сомонӣ ба ноҳияҳои дурдасти кӯҳистон дода шудааст.
Дар ин бора аз Бонки миллии Тоҷикистон иттилоъ доданд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
