Тоҷикобод: даъват барои муқаддас доштани Ватан

Тоҷикобод, 25.09.2015. (АМИТ «Ховар», Субҳониддини Маҳмуд).- 22 сентябри  соли равон дар ноҳияи Тоҷикобод вохӯрии раиси ноҳия ва кормандони мақомоти ҳифзи ҳуқуқ бо аҳли ҷамоати ноҳия дар мавриди изҳороти расмии Прокуратураи генералии Ҷумҳурии Тоҷикистон дар бораи ҷиноятҳои гурӯҳи собиқ муовини вазири мудофиаи Ҷумҳурии Тоҷикистон Назарзода Абдуҳалим Мирзо баргузор гардид. Дар вохӯрӣ раиси ноҳия Ализода Ҳусейн Хоҷамир, намояндаи прокурори ноҳия ва намояндаҳои ҷамоатҳои деҳоту сокинони ноҳия  амалҳои террористӣ ва ғайриқонунии  Назарзода Абдуҳалим Мирзо ва ҳаммаслаконашро  маҳкум намуданд. Ҳар нафаре, ки дар вохӯрӣ сухан мегуфт, мардумро ба муқаддас доштани Ватан ва чун гавҳараки чашм эмин нигоҳ доштани  сулҳу оромии кишвар даъват мекард