Юрий Ушаков: «Русия омода аст ба Тоҷикистон кумак кунад»
Душанбе, 11.09.2015. (АМИТ «Ховар»). — «Русия омода аст, ки ба Тоҷикистон кумак ва аз ҷиҳати сиёсӣ пуштибонӣ кунад», — ин нуктаро Юрий Ушаков, ёвари Президенти Федератсияи Русия 11 сентябр зимни нишасти матбуотӣ дар Маскав баён дошт. Бино ба иттилои Ушаков Президенти Русия Владимир Путин зимни сафари худ ба Тоҷикистон барои иштирок дар ҷаласаи сарони кишварҳои узви Созмони Аҳдномаи Амнияти Дастаҷамъӣ бо Президенти Тоҷикистон Эмомалӣ Раҳмон мулоқот хоҳад кард. «Дар мулоқоти рӯ ба рӯи сарони ду давлат Владимир Путин ва Эмомалӣ Раҳмон ҳаводиси охир дар Тоҷикистон баррасӣ мешаванд», — гуфт ёвари Президенти Русия. Маврид ба ёдоварист, ки рӯзҳои 14-15 сентябр дар шаҳри Душанбе ҷаласаи Созмони Аҳдномаи Амнияти Дастаҷамъӣ баргузор мегардад, ки дар он сарони кишварҳои узви ин созмон – Арманистон, Беларус, Қазоқистон, Қирғизистон, Русия ва Тоҷикистон иштирок мекунанд.
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
