15 октябр Рӯзи нобиноён таҷлил мешавад

Душанбе, 13.10.2015. (АМИТ «Ховар»).-Бо мақсади ҳифзи иҷтимоию маънавии нобиноён дар қаламрави вилояти Суғд  «Рӯзи нобиноён» таҷлил мешавад. Тибқи қарори раиси вилоят, масъулини шаҳру ноҳияҳои вилоят, роҳбарони корхонаҳо, ташкилоту муассисаҳо сарфи назар аз шакли моликият ва фаъолияти хоҷагидориашон бо истифода аз имконоти мавҷуда бояд нобиноёнро  бо ғамхории ҳамаҷонибаи моддӣ ва маънавӣ фаро гиранд. 
Шуъбаи Агентии давлатии ҳифзи иҷтимоии аҳолии вилоят вазифадор гардидааст, ки бо мақсади ҳамоҳангсозии чорабиниҳои аёдати маъюбони гурӯҳи 1 аз рӯи нобиноӣ ва дастгирии моддии онҳо тадбирҳои зарурӣ андешад.