Абӯбакри Бағдодӣ аз мансабаш барканор шуд

Душанбе, 05.10.2015 (АМИТ «Ховар»).- Тибқи иттилои гуногуни расонаҳои хабарии ҷаҳонӣ Абӯбакри Бағдодӣ аз мансабаш барканор шуда, ин созмони террористӣ ба ду гурӯҳ тақсим гардид. Тибқи иттилои  расонаҳо, аз ҷумла «Ал- Маалума», «Ҳатталяавм», «Алиттиҷоҳ», «Иштартиви»  ва 10 расонаи дигар  ба нақл аз рӯзномаи «Ассабоҳ»: «Баъд аз пирӯзиҳои охири қувваҳои ҳарбии Русия дар ҷанг бар зидди ДИИШ байни фармондеҳони ин созмон нофаҳмиҳои фаровон ба вуҷуд омада,  онҳо ҳукми барканории Абӯбакри Бағдодиро бароварданд. Ва дар ин ҳол Абӯбакр низ даст ба кор гардида, ҳукми эъдоми баъзе аз ин фармондеҳонро содир намуда, онро татбиқ кард. Ва ҳоло тибқи навиштаи манбаъ  ДИИШ ба ду гурӯҳ- яке ДИИШ дар Ироқ ва дигаре дар  Сурия тақсим гардидааст.