Афғонистон хостори узвияти комилҳуқуқи СҲШ шуд

Душанбе, 08.10.2015 (АМИТ «Ховар»).- Роҳбарияти Афғонистон барои расидан ба мақоми узвияти комилҳуқуқи Созмони ҳамкории Шанхай дархост ирсол намуд. Дар ин бора дабири кулли СҲШ Дмитрий Мезентсев иттилоъ дод.
 «Дар ин маврид чанде қабл роҳбарияти Афғонистон ба Президенти кишвари раисикунандаи ин созмон дархост фиристодааст», — гуфт ӯ.
Ба гуфтаи ӯ, ҳамкорӣ бо Афғонистон бояд на танҳо дар робита ба мубориза бар зидди терроризм ё гардиши ғайриқонунии маводи мухаддир, балки ҳамчунин дар соҳаи савдо, иқтисод, фарҳанг ва гуманитарӣ сурат гирад. 
Д. Мизентсев зикр кард, ки вазъияти Афғонистон дар рӯзномаи кори СҲШ мавқеи хоссаро ишғол ва масоили таъмини суботи минтақавӣ аҳамияти бештарро касб менамояд.
«СҲШ низоми нави афзалиятҳо-тавсеаи ҳамкории мутақобила дар фазои тиҷоратию иқтисодӣ ва фарҳангию башардӯстонаро ҳифз намуда, инкишоф медиҳад. Ин низ омили муайяни таҳкими амният ва субот мебошад, аз ин рӯ, дар мавриди маҷмӯи масъалаҳои вобаста ба Афғонистон, мо бояд мавқеи  кишварҳои аъзоро ҳамоҳанг созем»,-гуфт Д. Мезентсев.