Ҳалокати 40 силоҳбадаст аз ҳамлаи ҳавопаймоҳои Русия

Душанбе, 07.10.15. (АМИТ «Ховар»). — Бар  асари  ҳамлаи ҳавопаймоҳои ҷангии   Русия ба  маҳаллаи  Суҳни воқеъ  дар  28  километрии шаҳри  Палмира аз  35 то  40  нафар  силоҳбадастони «Давлати  исломӣ»  нест  карда  шуданд. Дар  ин  бора РИА Новости хабар  медиҳад. 
Дар  натиҷаи  зарбаҳои  ҳавопаймоҳо  ситоди   силоҳбадастон, ки анбори  лавозимоти  ҳарбӣ  ва  корхонаи пинҳонии   тавлиди  маводи  тарканда дар  он  ҷо   воқеанд, нест  карда шуд.
Аз давраи оғози амалиёти  ҳарбии  ҳавопаймоҳои  Русия  дар  Сурия,  яъне  аз 30  сентябр, ин  хабари аввалине дар  бораи ҳалокати  силоҳбадастони «Давлати  исломӣ»  мебошад. Вазорати  мудофиа дар  лаҳзаи  омодасозии мавод ин иттилоотро  шарҳ  надод.