Амрико аз мусаллаҳсозии мухолифони Сурия даст мекашад

Душанбе, 10.10.2015 (АМИТ «Ховар»).-Вазорати дифои Амрико эълом кард, ки барномаи шикастхўрдаи худ барои омўзиши шибҳинизомиёни мухолифи Сурияро мутаваққиф менамояд ва ба ҷои он ба омўзиши муҷаҳҳазсозӣ ва пуштибонии ҳавойии саркардагони  гурўҳҳои мухолиф хоҳад пардохт. Кристин Вернес, муовини вазири дифои Амрико дар як конфронси хабарӣ дар Кохи Сафед ба хабарнигорон гуфт, ки Пентагон таҷҳизоти асосиро дар ихтиёри саркардагони гурўҳҳои шибҳинизомӣ қарор хоҳад дод.
 Муовини вазири дифои Амрико ҳамчунин аз барномаи шикастхӯрдаи 500 миллиондоларии Пентагон барои омўзиши ҳазору 400 шибҳинизомӣ сухан кард. Ин барнома ба эътирофи мақомоти амрикоӣ дар ниҳоят мунҷар ба 60 шибҳинизомӣ шудааст.