Ҷавонони «Пешоҳанг» дар меҳмонии Сафорати Тоҷикистон дар Русия
Душанбе, 10.10.2015. (АМИТ «Ховар»). -Шоми дирӯз бо ташаббус ва дастгирии вазири корҳои дохилӣ Раҳимзода Рамазон Ҳамро як зумра ҷавонони гурӯҳи «Пешоҳанг» ба Федератсияи Русия сафар намуданд.
Ҷавононро Сафири Фавқулода ва Мухтори Ҷумҳурии Тоҷикистон дар Федератсияи Русия Сатторов Имомуддин Мирзоевич ва ҳайати расмии Сафоратхона дар шаҳри Маскав пешвоз гирифтанд.
Дар бинои Сафоратхона вохӯрии ҷавонони гурӯҳи «Пешоҳанг» бо намояндагони Сафорати Ҷумҳурии Тоҷикистон дар Федератсияи Русия доир гардид.
Дар ҷараёни нишаст масъалаҳои тарғибу ташвиқи унсурҳои миллӣ, арҷгузорӣ ба рукнҳои давлатдорӣ, пешгирии ақидаҳои ифротгароёна ва дигар масъалаҳои мубрами рӯз бо ҳамватанони бурунмарзӣ, ҷамъиятҳои тоҷикон ва ҷавонони фаъоли тоҷикистонӣ дар Федератсияи Русия мавриди баррасӣ қарор гирифтанд.
Мавриди зикр аст, ки ҳайати гурӯҳи ҷавонони «Пешоҳанг»-ро намояндаи Вазорати корҳои дохилӣ, мушовири калони вазир Бухоризода Мансур Ғоиб ҳамроҳӣ менамояд.
Сафари ҷавонони гурӯҳи «Пешоҳанг» дар шаҳру вилоятҳои Федератсияи Русия чанд рӯз идома ёфта, аз натиҷаи он иловатан иттилоъ дода мешавад.
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
