Баланд бардоштани маърифати оиладорӣ

Душанбе, 28.10.2015. (АМИТ «Ховар»).- 27 октябр дар Маркази саломатии “Ғозиён”-и ҷамоати деҳоти Ғозиёни ноҳияи Бобоҷон Ғафуров бо иштироки 45 падару модари духтарони муассисаҳои таълимии рақамҳои 11 ва 20-и деҳа вохӯрӣ доир гардид. 
Дар вохӯрӣ мудири шуъбаи кор бо занон ва оилаи мақомоти иҷроияи ҳокимияти давлатии ноҳия Дилбар Бобоева оид ба масъалаҳои ҷалби духтарон ба зинаи сеюми таҳсил, касбомӯзии онҳо, фарҳанги миллии либоспӯшӣ, пешгирии ҷудошавии оилаҳои ҷавон, даст задани ҷавонон ба ҳодисаҳои номатлуб, баланд бардоштани маърифати оиладорӣ ва дигар масъалаҳои мубрами рӯз сухан гуфта, моҳияти қонунҳои Ҷумҳурии Тоҷикистон «Дар бораи пешгирии зӯроварӣ дар оила», «Дар бораи масъулияти падару модар дар таълиму тарбияи фарзанд», «Дар бораи забони давлатӣ» ва «Дар бораи танзиму анъана ва ҷашну маросими миллӣ»-ро  фаҳмонид.