Баррасии масъалаи таҳияи лоиҳаи озмоишии барномаи дастгирии АНМН
Душанбе, 30.10.2015. (АМИТ «Ховар»).- Масъалаи таҳияи лоиҳаи озмоишии барномаи дастгирии Агентии назорати маводи нашъовар 28 октябр зимни вохӯрии директори Агентии назорати маводи нашъаовари назди Президенти ҶТ Рустам Назарзода бо ҳайати Прокуратураи генералии Ҷумҳурии Корея таҳти роҳбарии муовини директори Раёсати назорати маводи нашъаовар Ким Ёнг Квон муҳокима гардид.
Дар вохӯрӣ инчунин Ёддошти тафоҳуми ҳамкорӣ дар соҳаи муқовимат ба маводи нашъаовар ва ҷинояткории муташаккил байни Агентии назорати маводи нашъаовари назди Президенти ҶТ ва Прокуратураи генералии Ҷумҳурии Корея, ки 22 сентябр дар шаҳри Чеҷуи Ҷумҳурии Корея ба имзо расида буд, баррасӣ шуд
Ба меҳмонон муаррифинома дар бораи вазъи вобаста ба маводи нашъаовар дар Тоҷикистон, таърихи ташаккул ва сохтори агентӣ, хатсайрҳои интиқоли маводи нашъаовар, чорабиниҳои зиддимухаддиротӣ, ки кормандони агентӣ дар ҳамаи гӯшаҳои ҷумҳурӣ бо дастгирӣ ва иштироки бевоситаи намояндагони Прокуратураи генералии Ҷумҳурии Корея баргузор намуданд, манзур гардид.
Дар доираи лоиҳаи мазкур дар Ҷумҳурии Корея омӯзиши кормандони мақомоти ҳифзи ҳуқуқи Тоҷикистон, ки бо муомилоти ғайриқонунии маводи нашъаовар мубориза мебаранд, идома дода мешавад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






