Чорабиниҳои «Созандагони Ватан» дар Бадахшон идома меёбанд

Октябрь 20, 2015 07:10

Душанбе, 20.10. 2015 (АМИТ «Ховар»). -Тарбия намудани ҷавонон дар руҳияи ватандўстӣ, пос доштани арзишҳои миллию давлатӣ, сафарбар намудани қувваи созандаи онҳо ба корҳои хайри ҷамъиятӣ ва огоҳ намудани онҳо аз хатарҳои замони муосир, ки бештар вақт ба рўҳияи ҷавонон таъсири манфӣ мерасонанд, аз вазифаҳои аввалиндараҷаи ТҶҶ «Созандагони Ватан» мебошад.
Бо ин мақсад ТҶҶ «Созандагони Ватан» тасмим гирифтааст, ки дар доираи марҳилаи дуюми чорабиниҳои худ бо мақсади  пешгирии гароиши ҷавонон ба гурӯҳҳои ғайриқонунии фаъолияташон мамнуъ силсилаи мулоқот ва семинарҳои омўзишии худро дар вилояти Бадахшон низ баргузор намояд.
Бо ин мақсад имрўз дар Донишгоҳи Давлатии Хоруғ ба номи М.Назаршоев мулоқоти роҳбарияти ТҶҶ «Созандагони Ватан» бо донишҷуёни ин макотиби олии кишвар баргузор карда шуд.
Зимни суҳбатҳо, ки дар руҳияи озоду созгор баргузор гардиданд, ба донишҷӯён оид ба ҳадафҳои шуми стратегии ҳизбу гурўҳҳои экстремистию террористӣ гуфта шуда,  омилҳои таъсиррасон ба тафаккури ҷавонон ва роҳҳои пешгирӣ аз ин таъсирҳои манфӣ баён гардида, ҷавонон ба дўст доштани ватани маҳбуб, доштани нангу номус ва ғурури миллӣ, пос доштани анъанаҳои неки ниёгон ва дигар арзишҳои миллӣ даъват шуданд. Сипас байни ҷавонон ва роҳбарияти ҲХДТ ва ТҶҶ «Созандагони Ватан» суҳбату пурсиши ошкорою самимӣ ҷараён гирифт. Тасмим гирифта шудааст, ки чунин суҳбатҳо бо донишҷӯёни тамоми факултаҳои донишгоҳ имрўз ва фардо баргузор  шаванд.

 

Октябрь 20, 2015 07:10

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд