Чорабиниии фарҳангӣ бахшида ба Рӯзи нобиноён дар Душанбе

Октябрь 16, 2015 05:29

Душанбе, 16.102015 (АМИТ «Ховар»).- Дирӯз дар шаҳри Душанбе бахшида ба Рӯзи нобиноён  чорабинӣ таҳти унвони «Асои сафед» бо ибтикори филиали Иттиҳодияи миллии нобиноёни Тоҷикистон дар ҳамкорӣ бо Кумитаи ҷавонон, варзиш ва сайеҳӣ, Вазорати тандурустӣ ва ҳифзи иҷтимоӣ ва дигар сохторҳои давлативу ҷамъиятӣ доир шуд. 
Иштирокдорон  зикр карданд, ки  имрӯз Ҳукумати Ҷумҳурии Тоҷикистон ягон қишри ҷомеаро аз мадди назар дур намемонад, зеро дастгирии иҷтимоии тамоми табақаи ҷомеа самти афзалиятноки фаъолияти Ҳукумати кишвар маҳсуб мешавад. Инчунин таъкид шуд, ки новобаста аз имкониятҳои маҳдуд онҳо барои ободии диёр саҳми арзандаи хешро гузошта истодаанд, ки ин аз ватандӯсту ватанпарвар ва худшинос будани ин гуна ашхос дарак медиҳад. Дар чорабинии мазкур миёни иштирокдорон озмунҳои гуногун ва мусобиқаҳои варзишӣ гузаронида шуданд. Дар анҷоми чорабинӣ ба ғолибон туҳфаҳои  Иттиҳодияи миллии нобиноён, Кумитаи ҷавонон, варзиш ва сайёҳӣ, Консулгарии ҷумҳурии Корея дар Тоҷикистон ва шахсони саховатманд тақдим шуданд.
Ёдрас мекунем, ки 15 октябр дар саросари ҷаҳон ҳамчун Рӯзи нобиноён таҷлил мешавад. Дар Тоҷикистон низ баъди ба даст овардани истиқлолияти давлатӣ ҳамасола ин рӯз бо баргузор намудани чорабиниҳои фарҳангиву фароғатӣ ва варзишӣ таҷлил мегардад.

 

 

 

Октябрь 16, 2015 05:29

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд