«Дарёи муҳаббат»-озмун барои оилаҳои намунавӣ

Душанбе, 28.10.2015. (АМИТ «Ховар»).- Бахшида ба эълон гардидани Соли 2015 ҳамчун соли оила бо ибтикори Раёсати кор бо занон ва оилаи вилояти Суғд қариб, ки дар тамоми шаҳру ноҳияҳои вилоят  озмуни “Оилаи намунавии беҳтарини соли 2015” гузаронида шуд.
Шуъбаи кор бо занон ва оилаи шаҳри Хуҷанд   бахшида ба ин ҷашн дар маҳаллаҳои «Тути калон», «Чорчароғ», «Раззоқ», «Масҷиди Савр», «Қ.Қурбонов», “Ваҳдат”, “Суғдиён”, “Навбаҳор”, “Дӯстии халқҳо”, “Сари баландӣ” ва “Хуҷанд” бо иштироки оилаҳои намунавӣ озмуни «Дарёи муҳаббат»-ро доир намуд.
Баргузории озмуни мазкур дар дигар маҳаллаҳои шаҳри Хуҷанд идома дорад. Ғолибони озмун ба даври вилоятии “Оилаи намунавии беҳтарини соли 2015” роҳхат мегиранд.