Давраи омӯзишии генералу адмиралҳои ИМА дар Тоҷикистон

Октябрь 8, 2015 10:37

Душанбе, 08.10.2015 (АМИТ «Ховар»).- Шурӯъ аз имрӯз то 12 октябри соли равон сафорати ИМА дар шаҳри Душанбе иштирокдорони давраи омӯзишии “КЭПСТОУН” барои генералу адмиралҳои Донишгоҳи мудофиаи миллии Вашингтонро дар доираи таҷрибаомӯзии минтақавии саҳроиашон мизбонӣ мекунад.
Бино ба иттилои сафорати ИМА дар Тоҷикистон, зимни сафари аъзои барномаи “КЭПСТОУН” дар Тоҷикистон онҳо бо намояндагони воломақоми Вазорати корҳои хориҷӣ, Вазорати мудофиа, Вазорати корҳои дохилӣ, ҳамчунин бо Гвардияи миллии Ҷумҳурии Тоҷикистон мулоқот хоҳанд кард. 
Ҳамчунин дар назар аст омӯзандагони барномаи мазкур  аз Гӯшаи амрикоӣ дар Душанбе боздид намуда, бо ҳамроҳии донишҷӯёни тоҷик сари як мизи мудаввар зиндагию фарҳанги Амрико ва Тоҷикистонро муҳокима намоянд. 
Дар доираи сафари хеш генералҳои ИМА ба Тоҷикистон барои беҳтар фаҳмидани таъриху фарҳанги беҳамтои Тоҷикистон аз осорхонаю бозорҳо, боғҳои Душанбе ва қалъаи Ҳисори асри 18  дидан хоҳанд кард.
Ёдрас месозем, ки Барномаи “КЭПСТОУН” барои ҳамаи генералу адмиралҳои навтаъйин мебошад, ки соли 1982 таъсис ёфтааст. Ҳадафи омӯзиши мазкур аз баланд бардоштани малакаҳои банақшагирӣ ва ҷалби қувваҳои ИМА дар амалиёти муштарак иборат аст. Сафари гурӯҳҳои иштирокчиёни барномаи “КЭПСТОУН” ба минтақаҳои гуногун барои дарки беҳтари масоиле, ки шарикони калидӣ дучор мешаванд ва барномаҳои таҳсилию имкониятҳои онҳо дар ноил шудан ба ин ҳадафҳо мусоидат мекунад. 

Октябрь 8, 2015 10:37

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд