ДМТ: мулоқоти созанда бо донишҷӯён

Душанбе, 15.10.2015. (АМИТ «Ховар»).-14 октябри соли ҷорӣ масъулини Агентии назорати маводи нашъаовар, кумитаҳои ҷавонон, варзиш ва сайеҳӣ, кор бо занон ва оила, Вазорати корҳои хориҷӣ бо донишҷӯёну устодони  Донишгоҳи миллии Тоҷикистон мулоқот намуданд.
 Зимни вохӯрӣ масъулин дар атрофи бемориҳои сироятӣ, нашъамандӣ, пошхӯрии оилаҳои ҷавон, шомилшавии ҷавонон ба гурӯҳҳои ифротӣ, даст задани наврасону ҷавонон ба ҷинояткорӣ ва дигар масъалаҳо суҳбати озод намуданд.
 Дар мулоқот ҳамзамон перомуни дастовардҳои занону ҷавонон дар зарфи 24 соли истиқлолият ва дастгириҳои Сарвари давлат аз ин қишри ҷомеа сухан рафта, зикр шуд, ки имрӯз занону ҷавонони мо бо шарофати устувор гардидани рукнҳои сохти демокративу ҳуқуқбунёд дар ҳамаи соҳаҳо фаъолият намуда, дар рушди ҳаёти иҷтимоиву иқтисодии мамлакат саҳми босазо доранд. Дар чорабинӣ аз ҷониби Агентии назорати маводи нашъаовар ба як гурӯҳ омӯзгорони ҷавон ва донишҷӯёни фаъол туҳфаҳои хотиравӣ тақдим шуданд. 
Дар назар аст, ки чунин мулоқоти судманд дар дигар донишгоҳу донишкадаҳои пойтахт то охири сол роҳандозӣ шаванд.