Душанбегиҳо дар Рӯзи Конститутсия ба сайругашт мебароянд
Душанбе, 23.10.2015.(АМИТ «Ховар»).- Шаҳрдории Душанбе бо мақсади дар сатҳи баланди ташкиливу бадеӣ таҷлил намудани 21-умин солгарди қабули Конститутсияи (Сарқонуни) Ҷумҳурии Тоҷикистон дар пойтахт нақшаи чорабиниҳои фарҳангиро тарҳрезӣ намудааст. Тибқи он дар рӯзи таҷлили Конститутсия -6 ноябр аз соати 9:00 дар боғҳои фарҳангу фароғатии пойтахт, назири Боғи устод Рӯдакӣ, «Дӯстии халқҳо», «Кӯли ҷавонон» ва майдони «800-солагии Маскав» сайругашти оммавии сокинону меҳмонони пойтахт баргузор гардида, инчунин намоиш ва фурӯши маҳсулоти хӯрокворӣ, ошомиданӣ ва қаннодӣ ташкил мешавад. Дар ин рӯз дар боғҳои фарҳангу фароғатии пойтахт дастаҳои ҳунарӣ, чун ансамблҳои «Сомон», «Лола» ва ҳунармандони Театри давлатии академии опера ва балети ба номи Садриддин Айнӣ дар Боғи устод Рӯдакӣ, ансамблҳои «Гулшан», «Зебо» ва «Ҷаҳоноро» дар боғи фарҳангу фароғатии «Дӯстии халқҳо», ансамблҳои Филармонияи давлатии Тоҷикистон дар боғи «Кӯли ҷавонон» ва дар майдони «800-солагии Маскав ансамблҳои Кумитаи телевизион ва радиои назди Ҳукумати Ҷумҳурии Тоҷикистон бо барномаҳои фарҳангӣ ҳунарнамоӣ намуда, ба базмгоҳҳо шукӯҳи хосса хоҳанд бахшид.
Инчунин ба ифтихори Рӯзи Конститутсияи Ҷумҳурии Тоҷикистон дар муассисаҳои фарҳангии пойтахт ташкили намоишгоҳи китоб ва чорабиниҳои мухталифи илмию фарҳангӣ бо иштироки сиёсатмадорон ва аҳли зиё гузаронида мешаванд.
Шаҳрдорӣ ҳамзамон тасмим гирифтааст, ки ба ифтихори Рӯзи Конститутсия ба мактаб-интернатҳои пойтахт кумаки моддӣ расонад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






