Дуздидани мошин аз ҷониби ду навҷавон

Душанбе, 14.10.2015. (АМИТ «Ховар»).-Вазорати корҳои дохилии кишвар хабар медиҳад, ки 13-уми октябри соли равон дар натиҷаи гузаронидани чорабиниҳои фаврию ҷустуҷӯӣ ду сокини шаҳри Душанбе, яке 18-сола, ки пеш бо моддаи 244 Кодекси ҷиноятии Ҷумҳурии Тоҷикистон суд шудааст, дигарӣ 17-сола ҳамчун гумонбар дар рабуда шудани воситаи нақлиёт дастгир гардиданд. Муайян карда шуд, ки гумонбаршудагон бо роҳи пинҳонӣ мошини шахсии тамғаи ВАЗ-21015-ро, ки ба сокини 31-солаи пойтахт тааллуқ дорад, аз назди бинои истиқоматӣ рабуда, аз ҷойи ҳодиса ғайб задаанд. 
Нисбат ба далели мазкур парвандаи ҷиноятӣ оғоз гардида, тафтиши пешакӣ идома дорад.