«Фарҳангдӯст» ташаккулдиҳандаи фарҳанги маънавист
Душанбе, 01.10.2015. (АМИТ «Ховар»).- 30 сентябр дар Донишкадаи молия ва иқтисоди Тоҷикистон аввалин маҳфили тарбиявии донишкадавии «Фарҳангдӯст» доир гардид.
Тавре ки котиби матбуоти донишкада Машҳура Абдуллоева хабар дод, дар маҳфил сардори шуъбаи корҳои илмӣ-тадқиқотии донишкада Қутбиддин Муқимов сухан гуфта, ин ҳамоишро анъанаи некфарҷом ва таконбахши маърифати устодону доништалабон арзёбӣ кард.
Дотсенти кафедраи фанҳои гуманитарии донишкада Ғуломҷон Мирзоев дар мавзӯи «Назари фалсафӣ доир ба фарҳанг» маърӯза намуда, дар бораи ҳастӣ, офариниш, фарҳанг, ташаккули фарҳанги маънавӣ ибрози ақида карда, гуфт, ки дар илми фалсафа фарҳангро табиати дувум маънидод мекунанд. Агар дар маҷмӯъ ҳамаи корзори одамиятро таҳлил кунем, муайян мешавад, ки фарҳанг ифодакунандаи натиҷаҳои тамоми фаъолияти инсон аст. Фарҳанги маънавии инсони муосир аз тамоми қисматҳои донишҳои инсонӣ ба вуҷуд меояд, яъне ташаккули фарҳанги маънавӣ аз маҷмӯи тамоми донишҳои инсонӣ иборат аст. Меҳвари фарҳанги инсонӣ дониш ва хирад ба шумор меравад.
Ғуломҷон Мирзоев ба суолҳои сершумори толибилмон дар бораи шарҳи абёти классикӣ, ташаккули фарҳанги маънавӣ, китоби муқаддаси «Қуръон», ҳадисҳои набавӣ ва дигар мафҳумҳо посухҳои мушаххас дод.
Ёдовар мешавем, ки маҳфили тарбиявии «Фарҳангдӯст» моҳе як маротиба доир гардида, масоили мубраму мароқангезро барои доираи васеи устодону толибилмон мавриди баррасӣ қарор медиҳад.
Шиори маҳфил: «Ташаккули фарҳанги маънавӣ шиори мост».
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
