Фаровонии ҳосили ангур ва полезиҳо

Душанбе, 17.10.2015. (АМИТ «Ховар»).-   Мувофиқи маълумоти фаврии раёсати растанипарварии Вазорати кишоварзии ҷумҳурӣ  дар хоҷагиҳои деҳқонӣ  ва ҷамоавии ҷумҳурӣ  ба миқдори 55 232 тонна мева ва 43 958 тонна ангур ҷамъоварӣ  шудааст, ки истеҳсоли ангур нисбат ба ҳамин давраи соли гузашта 5758 тонна зиёд мебошад.
Ҳамзамон соли ҷорӣ дар хоҷагиҳои деҳқонӣ  ва ҷамоавии ҷумҳурӣ дар майдони 18024 гектар кишти полезиҳо гузаронида шудааст, ки то 2- юми октябри соли ҷорӣ майдони 17 478 гектари он ҷамъоварӣ  шудааст. Ин нишондод нисбат ба ҳамин давраи соли гузашта 2037 гектар зиёд мебошад. Ҳосилнокӣ аз ҳар гектар 213,3 сентнериро ташкил медиҳад, ки нисбат ба соли гузашта 15,6 сентнерӣ зиёд мебошад. Истеҳсоли полезиҳо  дар хоҷагиҳои деҳқонӣ  ва ҷамоавии ҷумҳурӣ 373 719 тоннаро ташкил медиҳад, ки нисбат ба соли гузашта 67 583 тонна зиёд аст.