Гуфтушунид дар мавзӯи барқарорсозии хатсайри Боку — Душанбе

Душанбе, 22.10.15. (АМИТ «Ховар»).  Вазири  рушди  иқтисод  ва  савдои  Тоҷикистон, ҳамраиси Комиссияи байниҳукуматӣ  оид ба  ҳамкории тиҷоратию  иқтисодии  миёни Озарбойҷон  ва  Тоҷикистон  Неъматулло  Ҳикматуллозода  ва  сафири  Озарбойҷон дар Тоҷикистон Аббосалӣ  Гасанов перомуни   дар  амал татбиқ  намудани   нуктаҳои Протоколи Ш ҷаласаи Комиссияи  байниҳукуматӣ  оид ба  ҳамкории  тиҷоратии  миёни Озарбойҷону  Тоҷикистон  ва   доир  намудани ҷаласаи 1V навбатӣ табодули  афкор намуданд.
Ҷонибҳо   изҳор  доштанд, ки бо  сабабҳои  номаълум  тӯл  кашидани  масъалаи аз  нав  барқарор  намудани   хатсайри  Боку  —  Душанбе ба  рушди  муносибатҳои  дуҷониба  дар  бахшҳои тиҷорату  иқтисодиёт  ва  илму  фарҳанги  ҳар  ду  кишвар таъсири  манфӣ  мерасонад.
Зимни  мулоқот   дурнамои  як ҷо  намудани   намудани  лоиҳаҳои роҳи оҳани Боку  Тбилиси  Қарс (ватҳои наздиктарин  мавриди  истифода  қарор  додани лоиҳаи  мазкур  дар назар  аст)  ва Тоҷикистон  Афғонистон  Туркманистон муҳокима  шуд.