«Хандаи ҳусн»- фестивали либосҳои миллӣ
Душанбе, 09.10.2015. (АМИТ «Ховар»).- Кумитаи кор бо занон ва оилаи назди Ҳукумати Ҷумҳурии Тоҷикистон моҳи октябри соли ҷорӣ баргузории фестивали либосҳои миллӣ- «Хандаи ҳусн»-ро ба нақша гирифтааст.
Ҳадафи Фестивал баланд бардоштани мақому сифати либоси миллӣ, тақвияту сифати тоза бахшидан ба истеҳсолу анвои гуногуни матоъҳои миллӣ, аз қабили атласу шоҳӣ, арҷ гузоштан ба расму русуми ниёгон, густариши санъати чакандӯзӣ, алочабофӣ, гулбасту адрасбофӣ ва дигар арзишҳои миллӣ мебошад.
Тавре ки аз кумита ба АМИТ “Ховар” иттилоъ доданд, барои дар сатҳи баланд гузаронидани чорабинии мазкур ва барои хоста гирифтани намунаҳои беҳтарини либосҳои миллӣ ҳайати эҷодии Вазорати фарҳанги Ҷумҳурии Тоҷикистон ва намояндагони Кумитаи кор бо занон ва оилаи назди Ҳукумати Ҷумҳурии Тоҷикистон аз 5 то 11 октябри соли равон ба ноҳияҳои тобеи кишвар сафарбар шуда, ба мутасаддиён ва тарроҳону иштироккунандагони чорабинӣ, ки ба даври ҷамъбастии фестивал роҳхат мегиранд ва барои дар сатҳи хуби фарҳангӣ баргузор намудани он тавсия ва маслиҳатҳои муфид дода мешаванд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
