Хариду фурӯши кӯдаки хурдсол

Душанбе, 01.10.2015 (АМИТ «Ховар»).-Дар ноҳияи Ашти вилояти Суғд пеши роҳи ҳодисаи хариду фурӯши кӯдаки хурдсол гирифта шуд. 
Ба мақомоти милитсия зани 23-солаи сокини ноҳияи Ашт муроҷиат намуд, ки зани 20-солаи сокини шаҳри Хуҷанд писарчаи хурдсолаш, соли таваллудаш 2014-ро ба маблағи 5000 доллари амрикоӣ хариданӣ аст. 29 сентябри соли равон зани гумонбаршуда, ҳангоми додани маблағи 4000 доллари амрикоӣ дастгир шуд. 
Нисбат ба далели мазкур парвандаи ҷиноятӣ оғоз гардида, тафтиш идома дорад.