Хоруғ: «Мо ҷоннисору фидокори Ватан ҳастем»
Хоруғ, 9.10. 2015. (АМИТ «Ховар»).-«Мо ҷоннисору фидокори Ватан ҳастем»- бо чунин унвон дар қисми низомии 2848-шаҳри Хоруғ бо иштироки намояндагони Сарраёсати қӯшунхои сарҳадии Кумитаи давлатии амнияти миллии Ҷумҳурии Тоҷикистон, намояндагони Прокуратураи ҳарбии ВМКБ, роҳбарияти қисми низомии 2848 ва як гурӯҳ афсарону аскарони ин қисми низомӣ чорабинӣ доир гардид. Дар он бобати пешгирии ҷавонон аз шомилшавӣ ба ҳаракатҳои тундгаро, баланд бардоштани ҳисси ватандўстиву ватанпарварии ҷавонон ибрози сухан гуфта шуд. Ҷамъшудагон изҳор доштанд, ки ҳар гуна амалҳои нангину ноҷавонмардонаеро, ки ба муқобили давлат равона карда мешаванд, маҳкум намуда, дар ҳифзи марзу буми кишвар ҳамеша чун сипар устувор ҳастанд. Хотиррасон карда шуд, ки қисми низомии сарҳадии 2848-и шаҳри Хоруғ муҳофизати беш аз 175 км хати марзи кишварро ба уҳда дорад ва яке аз қисмҳои асосӣ дар ҳимояи хати марз ба шумор меравад. Он нуҳ дидбонгоҳ ва як гузаргоҳи сарҳадии Темро дар бар гирифта, хати муҳофизатии сарҳадии он аз деҳаи Шипади ноҳияи Рӯшон то деҳаи Қозидеҳи ноҳияи Ишкошим давом дорад. Афсарону аскарони он ҳамеша дар ҳолати омодабош қарор дошта, дар адои хизмати Модар -Ватан фидокору ҷонсупор мебошанд. Назрулло Башолов — сардори қисми низомии 2848 зикр намуд, ки аскарону афсарони ин қисми низомӣ чун ҳомии боэътимоди Ватан ҳамеша ба савганди ҳарбии худ содиқ буда, ҳар гуна амали ноҷавонмардона ва хилофи қонун, халалдоркунандаи фазои тинҷу ороми кишварро маҳкум месозанд. Бояд гуфт, ки дар ин ҷо марзбонон барои адои қарзи фарзандӣ- ҳифзи хати сарҳади кишвар, ба 5 ҷузъу томи ҳудуди қисми низомӣ, аз ҷумла гурӯҳи мобилӣ, ротаи таъминоти моддӣ- техникӣ, ротаи комендантӣ, ротаи алоқа, взводи муҳандисию маркази таълимӣ ва дидбонгоҳҳои тобеи қисми низомӣ тақсим шудаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






