Иҷрои нақшаи даъват ба хизмати ҳарбӣ ба 51% расид

Душанбе, 12.09.2014. (АМИТ «Ховар»).-Дар асоси Фармони Президенти Ҷумҳурии Тоҷикистон  «Дар бораи даъвати ҳарбии шаҳрвандон ба хизмати ҳарбӣ ва тибқи талаботи Қонуни Ҷумҳурии Тоҷикистон дар бораи уҳдадориҳои умумии ҳарбӣ  ва хизмати ҳарбӣ» шурӯъ аз якуми октябр дар ҳама шаҳру навоҳии мамлакат даъвати тирамоҳии шаҳрвандон ба хизмати ҳатмии ҳарбӣ муташаккилона ҷараён дорад. Дар ин бора котиби матбуотии Вазорати мудофиаи Ҷумҳурии Тоҷикистон Фаридун Мамадалиев ба АМИТ «Ховар» иттилоъ дод
  Аз даъвати шаҳрвандон ба хизмати ҳарбӣ то имрӯз алакай беш аз даҳ рӯз сипарӣ гардид. Дар ин муддат аллакай ноҳияҳои Дарвозу Ишкошими вилояти Бадахшон, шаҳру навоҳии Истиқлолу Зафаробод ва Кӯҳистони Мастчоҳи вилоти Суғд , ноҳияҳои Носири Хусрав, Сарбанд ва Балҷувони вилояти Хатлон иҷрои нақшаро пурра ба анҷом расониданд.
Дар давоми беш аз 10 рӯзи ҷараёни ин  чорабинии муҳими сиёсӣ,  иҷрои нақша  дар вилояти Суғд 56%, дар комиссариатҳои ҳарбии ноҳияҳои тобеи марказ  36% , дар гарнизони Бадахшон, 69%, шаҳру навоҳии пойтахт 33%, дар вилояти Хатлон ба 60 % баробар мебошад. Бояд гуфт, ки аз оғоз то ба имрӯз иҷрои нақша дар ҷумҳурӣ  ба 51% баробар гаштааст.