Ифротгароӣ — вабои аср

Душанбе, 9.10.2015. (АМИТ «Ховар»).-«Имрӯз яке аз падидаҳои номатлубе, ки дар ҷомеаи ҷаҳонӣ ба вуҷуд омадааст, ифротгароӣ мебошад»,- иброз дошт сармутахассиси Созмони ҷавонони ДМТ Шаҳбоз Гулов зимни конфронси илмӣ- мубоҳисавӣ, ки имрӯз таҳти унвони «Ифротгароӣ ва паёмадҳои манфии он ба ҷомеа» дар Донишгоҳи миллии Тоҷикистон миёни донишҷӯёни донишгоҳ баргузор гардид.
Ёдовар мешавем, ки дар конфронси мазкур муовини ректор оид ба иқтисод ва иҷтимоиёт Нуралӣ Собиров, сармутахассиси Сарраёсати қонунгузории Вазорати адлия Абдунаҷиб Хоҷаев, сардори раёсати ҷавонони Кумитаи ҷавонон, варзиш ва сайёҳӣ Дилноза Аҳмадзода, сармутахассиси созмони ҷавонони ДМТ Шаҳбоз Гулов ва донишҷӯён аз факултаҳои гуногуни донишгоҳ сухан гуфтанд. 
Зикр шуд, ки: «Ифротгароӣ-ин зуҳуроти вазнини иҷтимоӣ-сиёсӣ ва ҷиноятиест, ки бо зиддиятҳои дохилӣ ва берунӣ ба рушди чамъиятии кишварҳои гуногун халал ворид месозад».
 Мақсади чорабинӣ  пешгирии ҷавонон аз падидаҳои номатлуб ва  ин вабои аср  буда,  Донишгоҳи миллии Тоҷикистон барои пешгирии ҷавонон аз шомилшавӣ ба гурӯҳҳои ифротиву террористӣ пайваста чунин чорабиниҳоро миёни донишҷӯёни донишгоҳ баргузор менамояд.