Ифтитоҳи Биржаи фондӣ ва аз андоз озод шудани саҳмияҳо ба муддати 5 сол
Душанбе, 12.10.2015 (АМИТ «Ховар»). Имрӯз дар арафаи баргузории Форуми байналмилалии соҳибкории Душанбе-2015 Биржаи фондии Осиёи Марказӣ дар Тоҷикистон ифтитоҳ ёфт, ки дар маросими кушодашавии он муовини аввали сарвазири мамлакат Давлаталӣ Саид иштирок ва суханронӣ намуд.
Биржаи фондии Осиёи Марказӣ дар Тоҷикистон бо харҷи 35 миллион сомонӣ таъсис дода шуда, дар он саҳмияҳои ширкатҳои ватанӣ ва ширкатҳои маъруфи хориҷӣ харидуфурӯш мешаванд. Ҳукумати Тоҷикистон ба хотири рушди бозори коғазҳои қимматнок ва ҷалби ширкатҳои хориҷӣ харидуфурӯши саҳмияҳоро ба муддати панҷ сол аз пардохти андоз озод кард.
Тавре ки иттилоъ дода шуд, шаҳрвандони Тоҷикистон акнун метавонанд ба воситаи ин биржа саҳмияҳои брендҳои ҷаҳонии «Газпром», «Сбербанк», «Катарпилар» ва «Барклайс»-ро харидорӣ кунанд.
Директори генералии Биржаи фондии Осиёи Марказӣ дар Тоҷикистон Азамат Қосимов таъин шудааст. Ҳоло ширкатҳои маъруфи хориҷӣ ба номнавис шудан дар ин биржа машғул буда, пас аз анҷом ёфтани ин раванд, аксияҳои ширкатҳои ватаниву хориҷӣ ба хариду фурӯш гузошта мешаванд. Бояд гуфт ин иқдоми навбатии Ҳукумати мамлакат барои рушди бозори қоғазҳои қиматбаҳо қадами ҷиддӣ ва устувор мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






