Ҷиргатол: Вохӯрии созанда бо ҷавонони фаъол

Ҷиргатол, 13.10.2015. (АМИТ «Ховар»).- Бахши ҷавонон, варзиш ва сайёҳии ноҳияи Ҷиргатол дар самти пешгирии шомилшавии ҷавонон ба ҳизбу ҳаракатҳои иртиҷоӣ  ва гурӯҳҳои терористӣ  корҳои назаррасро ба анҷом мерасонад. Вобаста ба ин масъала дар ҷамоатҳои деҳоти Пилдон, Лахш, Муксу ва Сартало дар байни ҷавонон суҳбату вохӯриҳо ташкил шуданд, ки ба онҳо зиёда аз 200 ҷавон  фаро гирифта шуданд. Соли ҷорӣ  6 ҷавони ноҳия дар семинарҳои омӯзишӣ оид ба пешгирӣ аз амалҳои номатлуб, гаравидани ҷавонон ба ҳизбу ҳаракатҳои ифротӣ дар шаҳри Кӯлоби вилояти Хатлон ва шаҳри Хоруғи ВМКБ иштирок намуданд. 
Масъулини ҳукумати ноҳия дар якҷоягӣ бо  мақомоти ҳифзи ҳуқуқ бо оилаҳои ҷавонон корҳои фаҳмондадиҳӣ мегузаронанд.