Кишти ғалла дар беш аз 300 ҳазор гектар

Душанбе, 28.10. 2015. (АМИТ «Ховар»). — Тибқи маълумоти Раёсати растанипарварии Вазорати кишоварзӣ соли ҷорӣ дар ҷумҳурӣ дар майдони 324 ҳазору 194 гектар кишти зироатҳои ғалладонагӣ гузаронида шудааст, ки то 23 октябр  майдони 300 ҳазору 385 гектари он даравида шудааст. То имрўз майдони 299 ҳазору 981 гектари он кӯфта шудааст, ки нисбат ба ҳамин давраи соли гузашта 25 ҳазору 504 гектар зиёд мебошад. Ҳосили умумии ғалладонагиҳо 804 ҳазору 829 тоннаро ташкил намуда, нисбат ба  ҳамин давраи соли гузашта 72 ҳазору 938 тонна зиёд мебошад ва ҳосилнокӣ аз ҳар гектар 26,8 сентнериро ташкил медиҳад.