Корҳои сохтмонии пули мошингузари деҳаи Потов идома доранд
Душанбе, 29.10.2015. (АМИТ «Ховар»).- Корҳои ободонӣ ду сол боз дар пули мошингузари деҳаи Потови ҷамоати деҳоти Ҷовидони ноҳияи Ванҷ идома доранд. Оғоз шудани пули мазкурро сокинон соли 2010-ум аз Президенти кишвар Эмомалӣ Раҳмон дархост карда буданд. Корҳои сохтмонӣ дар пули мошнгузар моҳи августи соли 2014-ум оғоз гардида, бо ҷудо шудани маблағ сохтмончиён тавонистанд пойдевори тарафи чапи пули мазкурро ба анҷом расонанд. Иловатан барои идома бахшидани вусъати кӯпруксозӣ соли 2015-ум боз 349 ҳазору 600 сомонӣ ҷудо гардида, корҳои пулсозӣ дар тарафи чапи соҳил анҷом ёфтанд. Имрӯзҳо техникаи зарурӣ ба кандани зерпояи сутуни дуюми он машғул аст. Ба гуфти роҳсозон то имрӯз маблағҳои ҷудошуда пурра масраф гардидаанд. Тибқи лоиҳа барои ба истифода додани туҳфаи Президенти кишвар Эмомалӣ Раҳмон барои сокинони ин рустои ноҳияи Ванҷ бояд 5 миллион сомонӣ ҷудо гардад. Пулсозон то ба имрӯз аз маблағи пешбинишуда беш аз 812 ҳазор сомониро дар корҳои пулсозӣ харҷ кардаанд. Ҳоло бо кашонидани 720 метри кубӣ сангҳои калон атрофи пояҳои пӯли сохтамешударо мустаҳкам кардаанд.
Сохтмони пули мошингузар дар болои рӯди Ванҷоб бо иқтидори 10 тонна ва дарозии 75 метр марҳила ба марҳила идома дорад. Масъулияти пулсозиро Ҷамъияти дорои масъулияти маҳдуди «Сафарӣ»-и ноҳияи Рӯдакӣ бар зимма дорад. То ба имрӯз бо истифода аз маблағҳои равонашуда, кормандон вусъати бунёдкориро дар кӯпрук идома мебахшанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






