Коргоҳи дӯзандагии шаҳри Хоруғ васеъ мешавад

Хоруғ, 02.10.2015. (АМИТ   «Ховар»).- Зиёда аз 30 ҳазор  либоси тобистонаву зимистона барои ҳарбиён  дар коргоҳи дӯзандагии шаҳри Хоруғ  дӯхта шудааст. Коргоҳи мазкур  аз ҷониби  Агентии таъминоти  амволи махсуси назди Ҳукумати Ҷумҳурии Тоҷикистон  сохта шудааст. 
Дар айни замон дар он  30 коргар  фаъолият дорад. Соли сеюм аст, ки коргоҳ  тибқи фармоиш  барои ҳарбиён  либос ва ҷиҳози  хобро омода месозад.  Ба иттилои манбаъ, имсол лоиҳаи  васеъкунии ин коргоҳ ва табдили он ба корхонаи калонҳаҷм   аз ҷониби Ҳукумати мамлакат тасдиқ  шудааст. Шурӯъ аз оғози соли  2016  дар ин ҷо биноҳои иловагӣ, ки барои ошхона,  утоқи  истироҳат,   анборҳо  пешбинӣ шудаанд, сохта   мешаванд. Ҳамчунин  толори  иловагии дӯзандагӣ сохта шуда, ҷойҳои нави кори  таъсис дода мешаванд.