Коршиносон: соҳибмулкон бояд барои ғалатҳои имлоӣ ҷарима супоранд
Душанбе, 03.09.2015. (АМИТ «Ховар»). -«Бигзор соҳибмулкони ҳар кишвар номгузории мағозаву тарабхона, қаҳвахонаву сартарошхонаро бо забони модарии худ ба роҳ монанд. Ҳадафи мо танқид кардани чизе ё касе нест, ҳадафи мо аз байн бурдани камбудиҳо ва ғалатҳои имлоӣ дар лавҳаю овезаҳо мебошад»,- иброз дошт профессор Абдуғаффор Ҷӯраев, корманди Институти забон, адабиёт, шарқшиносӣ ва мероси хаттӣ дирӯз зимни ҳамоише таҳти унвони «Симои лингвистии шаҳрҳо дар замони Истиқлол» бахшида ба Рӯзи забони давлатӣ.
Дар ҷараёни ҳамоиш ҳамчунин таъкид гардид, ки соҳибмулкон бояд барои нуқсонҳои имлоӣ, ки дар номҳои муассисаҳои хусусӣ, овезаҳо, лавҳаҳо тарабхонаҳояшон ба назар мерасанд, ҷарима супоранд. Аз ҷумла, калимаи Ақиқа, ки аз ҷиҳати маъно ба талаботи забон ҷавобгӯй нест, аз ҷониби коршиносон мавриди муҳокима қарор гирифт.
Cипас олимону забоншиносон Абдуғаффор Ҷӯраев, Олимҷон Хуҷамуродов, Ҷумъабой Азизқулов, Рӯзӣ Аҳмадов ва Додихудо Саймиддинов вобаста ба мавзӯъҳои гуногуни забон маърӯза карданд.
Ҳамоиши мазкур бо пешниҳоду таклифҳои иштирокдорон барои гиромидошт ва ҳифзу нигоҳдошти забони тоҷикӣ, ки таърихи чандҳазорсола дорад, ҷамъбаст гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






