Курсҳои омӯзишӣ оид ба кушодан ва тафтиши ҷиноятҳо

   Душанбе, 20.10.2015. (АМИТ «Ховар»).- Дар Маркази таълимии Агентии назорати маводи нашъаовари назди Президенти ҶТ аз 19 то 30 октябри соли 2015 курсҳои кӯтоҳмуддати омӯзишӣ баргузор мегарданд. Курсҳо тибқи нақшаи чорабиниҳо оид ба омода намудани кормандони мақомоти қудратӣ дар соҳаи муқовимат бо муомилоти ғайриқонунии маводи нашъаовари кишварҳои аъзои Созмони Аҳдномаи Амнияти Дастаҷамъӣ барои соли 2015 роҳандозӣ мешаванд.
Дар курсҳои мазкур  20 корманди агентӣ иштирок намуда, дар мавзӯъҳои «Масъалаҳои рӯзмарра оид ба кушодан ва тафтиши ҷиноятҳо дар соҳаи муомилоти ғайриқонунии маводи нашъаовар» омӯзиш мегиранд. 
    Курсҳои омӯзишӣ аз тарафи устодони ботаҷрибаи Донишкадаи шимолу ғарби Хадамоти федеролӣ оид ба назорати муомилоти маводи нашъаовари  Федератсияи  Русия барои кормандони агентӣ гузаронида мешаванд.